News

Imtihondan muvaffaqiyatli o‘tish sirlari

  • admin
  • 20:36, 22.07.2016
  • 17
  • Tavsiyalar

Aziz abituriyent! Sanoqli kunlardan so‘ng siz orziqib kutgan lahzalar, yillar davomida olgan bilimlaringiz samarasini sarhisob qiluvchi davlat imtihoni boshlanadi. Sir emaski, ko‘pchiligimizning hayotimizdagi eng hayajonli damlardan biri oliy o‘quv yurtiga kirish imtihonlarini topshirishdir. Bugun biz sizlarga ana shu hayajonlarni yengish hamda talabalik sari yetaklovchi muhim tavsiyalarimizni keltirib o‘tamiz:


Imtihondan avval


1. Imtihonga bir kun qolganda  miriqib dam oling. Barcha kitoblaringizga dam berib o‘zingiz ham hordiq chiqaring. Istiroxat bog‘ida, do‘stlaringiz davrasida kuningizni mazmunli o‘tkazishga harakat qiling.

2. Barcha nohushliklarni unuting. Xayolingizda o‘rnashib olgan, dilingizga qo‘rquv va hayajon solayotgan “Orzu-maqsadimga erisha olarmikanman?”, “Men bilmagan qiyin savollar tushib qolsa-chi?”, “Imtihondan o‘tolmay qolsam-chi?” kabi salbiy fikrlani chiqarib tashlang. Inson qila olgan ishni inson qiladi. Shuncha abituriyent talaba bo‘lganida nega siz bo‘lolmas ekansiz?!

3. Kayfiyatni ko‘taring. Barcha qo‘rquv va hayajonlarni unutib, kayfiyatiningizni ko‘tarishga harakat qiling. Do‘stlar bilan hazil-mutoyiba qiling. Kayfiyatni ko‘taruvchi filmlar ko‘ring. O‘zingiz yoqtirgan musiqalarni tinglang. Kayfiyatni ko‘tarishning yana bir oddiy usuli bolajonlar bilan o‘yin o‘ynang. Ishoning, beg‘ubor bolalik o‘yinlari hamma qo‘rquvlarni unutib, kayfiyatingiz ko‘tarilishiga katta yordam beradi.

4. Ishonch bu - yarim galaba. O‘zingizga ishoning. Albatta  talaba bo‘laman, deya o‘zingizni ishontiring. Hayolingizda yangi o‘quv yili boshlanib, o‘zingiz orzu qilganingizdek talaba bo‘lib yurganingizni tasavvur qiling. Kurs ishlari, topshiriqlar ichida o‘ralashib yurganingizni his qiling.

5. Taomnomangizga e’tibor qarating. Imtihondan bir kun avval va imtixon kuni taomnomangizga e’tiborliroq bo‘ling. Iloji boricha kofe va shirinliklar iste’mol qilmaganingiz ma’qul. Shuningdek, qovurilgan va yog‘li taomlar tanovul qilish ham tavsiya etilmaydi. Chunki, bu taomlar imtihon kuni sizni lohas qilishi mumkin.


Imtihonda


1. Savollar varaqasini ko‘zdan kechiring. Dastlab varqadagi savollarga birma-bir ko‘z yugurtirib chiqing. Agar savollarda biror kamchilik bo‘lsa, deylik ularning yoki berilgan javoblardagi variantlarning soni kam bo‘lsa shu vaqtning o‘zida muammoni hal qilish mumkin bo‘ladi. Test jarayonini kuzatuvchi xodimlar savollar varaqasini almashtirish berishi mumkin. Abituriyentlar ismi-sharifi  va variantlari qaydnomaga kiritilgandan so‘ng, savollar varaqasi almashtirilmaydi.

2. Vaqtni to‘g‘ri taqsimlang. Test jarayonida vaqtni to‘g‘ri taqsimlab oling. Dastlab ballar yuqori beriladigan bloklar ketma-ketligida siz aniq biladigan savollarnining javobini biror qog‘ozga belgilab chiqing. Javoblar varaqasida belgilanishni test jarayoni yakuniga qoldiring. Bir savolning javobini topolmay qolganingizda to‘xtab qolmay keyingi savolga o‘ting. Chunki, vaqt chegaralangan.

3. Shoshma-shosharlik qilmang. Agar siz aniq fanlardan test topshirayotgan bo‘lsangiz, berilgan topshiriqni bajargach, javobingiz bilan barcha variantlarni taqqoslab chiqing. Chunki, javoblar shunday tuziladiki, bittagina son oldidagi ishora ham sizni javobingizni xato belgilashga sabab bo‘lishiga olib kelishi mumkin.

4. Hech kimga e’tibor bermang. Test ishlash jarayonida atrofdagi abituriyentlarga e’tibor qaratmang. Ba’zida bosh ko‘tarib allanimalarni yozib test ishlayotgan abituriyentlar  sizni nazaringizda o‘ta “bilimdon” bo‘lib ko‘rinishi mumkin. Bu holat esa sizga ruhiy zarba berishi turgan gap.

5. Javoblar varaqasida belgilashda ehtiyot bo‘ling. Barcha javoblarni qo‘shimcha qog‘ozda belgilab bo‘lgach, yana bir bor ko‘z yugurtirib chiqing. Test jarayoni yakunlashiga 20-30 daqiqa qolganda javoblar varaqasida javoblarni belgilashni boshlang. Shuni unutmangki, 0,1 ball ham juda katta ahamiyatga ega. Shuning uchun ham belgilashda e’tiborli bo‘ling, har bir fanni o‘zi uchun ajratilgan qismdagi belgilash mumkin bo‘lgan doirachalarni belgilang.

Barchangizga omad yor bo‘lsin! Imtihondan muvaffaqiyatli o‘tib, orzu qilgan talabalik nasib etsin! 

Komiljon Aslonov


Boshqa yangiliklar:

Kechirasiz, fikr qoldirishingiz uchun ro‘yhatdan o‘tishingiz kerak
  • miss feya 21:07, 03.12.2016

    Saytda dmoqchidm

  • miss feya 21:06, 03.12.2016

    Nega sayda virtual imtihon topshirish imkoniyati yo'q bo'p qoldi?

  • Нематова Хуршида 21:11, 18.08.2016

    Salom. Javoblar qachon chiqadi kim biladi

  • Abdulaxatov Abdugaffor 10:33, 29.07.2016

    удачи всем

  • Kuziev Usmonjon 19:44, 28.07.2016

    Gap yõq admin katta rahmat!)

    Hammaga omad!))

  • Abduraimov Murod 11:09, 28.07.2016

    bugun uje dtmla berlvotti manmca hamma o'qwlada hamma bugun wu ruxsatnomani oxirgi marta oliwi bo'sin

  • admin 16:38, 26.07.2016

    Ibodov Jahongir, buning uchun portalimizdagi "Qabul 2016" yozuvli havolaga kirib bilishingiz mumkin.

  • admin 16:36, 26.07.2016

    Bo‘rixo‘jayev G‘ulomxoja, odatda DTM ruhsatnomasini olish sanasi hujjat topshirganingizda hujjatlaringizni qabul qilganlikni tasdiqlovchi tilxatda yozib beriladi. Agar sana ko‘rsatilgan bo‘lmasa oliygoh qabul komissiyasi telefon raqamalari orqali bilishingiz mumkin.

  • Ibodov Jahongir 16:29, 26.07.2016

    Hammaga omad yor bulsin!..... Savol bor edi topshirgan yunalishimga qancha bola topshirganini qayerdan bilsam boladi...? Admin ham yordam bersalar zor bulardi....

  • Bo'rixo'jayev G'ulomxoja 15:23, 26.07.2016

    dtm soat nechchiidan nechchigacha berilarkan xabarila yomi

  • Qayimov Maxsud 12:48, 26.07.2016

    Rahmat!!!!!!!!!!!

  • Abduraimov Murod 22:08, 25.07.2016

    hammaga omad.

  • Abdukakhkharov Yorkin 22:26, 24.07.2016

    Hamma topshirgan o`qiwiga kirib ketsin) Hammaga OMAD!

  • sherzod karimov 18:52, 24.07.2016

    xammaga omad tilayman xudodan sorayman oqishga kiribketishdi

  • its me gulish 16:42, 23.07.2016

    Xamma abituriyent larga omad tilayman

  • Murodova Charosxon 14:53, 23.07.2016

    Rahmat

  • xakimov bexzod 12:32, 23.07.2016

    gap yo zor